Një ngarkesë me pajisje shtëpiake të përdorura, të cilësuara si mbeturina, u bllokua në Portin e Barit nga zyrtarët e doganave dhe Financierët e Grupit II Bari, në kuadër të një operacioni kundër trafikut të paligjshëm.
Ngarkesa, e vendosur në një kamion me targa bullgare, kalonte tranzit nga Bari me destinacion Durrësin.
Makina larëse dhe soba të përdorura ishin ngarkuar në kamionin me rimorkio, ndërsa mungonte dokumentacioni që vërtetonte nëse pajisjet, 300 makina larëse dhe soba, ishin të ripërdorshme apo jo.
Ngarkesa e bllokuar në Bari peshonte mbi 18 ton.
“Kjo ngarkesë është inspektuar me kujdes, u konstatua se metodat e transportit nuk mbrojnë integritetin e mallrave. Gjithashtu u konstatua mungesa e dokumentacionit të kërkuar që vërteton efikasitetin dhe ripërdorshmërinë e pajisjeve elektrike dhe elektronike”, raporton media italiane.
Kontrollorët arritën në përfundimin se kishin të bënin me një dërgesë të paligjshme të pajisjeve, e dënueshme nga kodi penal, në përputhje me legjislacionin e lidhur me mjedisin.
Kontrolli çoi në sekuestrimin e mallrave dhe rimorkion e përdorur, për transportin e paligjshëm dhe trafikun e pajisjeve.
