Pas rastit pozitiv me coronavirus të basketbollistit Thompkins, e gjithë skuadra e futbollit të Realit të Madridit u fut në karantinë.
Klubi kryeqytetas spanjoll, vendosi që më datë 12 mars të izoloheshin për 14 ditë. Bashkë me ta u izoluan edhe 750 anëtarë të tjerë të klubit madrilen të cilët punojnë aty.
Ndërsa sot është dita që karantina për lojtarët e Realit ka përfunduar dhe lajmi pozitiv që asnjë lojtar apo pjesëtar i stafit nuk kanë shfaqur asnjë lloj problemi dhe testet e bëra kanë rezultuar negativë për të gjithë.
Gjithsesi nga ky fakt nuk ndryshon asgjë, pasi duke parë situatën në Spanjë, periudha e izolimit do të vazhdojë për një periudhë të pacaktuar, ndërsa e ardhmja e La ligës si kudo mbetet e paqartë.
