27 viktima ka shkaktuar COVID-19 në Greqi deri tani,. Ndërkohë që 892 janë të infektuarë aktivë, ndërsa 48 pacientë janë shëruar.
Viktima e fundit është një 84 vjeçar.
Mes të infektuarëve është dhe një foshnjë 7 muajshe e cila ka rezultuar pozitive në testin e COVID-19 pasi u dërgua në spitalin e Rodosit nga prindërit, sepse kishte simptoma të infeksionit viral.
Simptomat që kishte fëmija ishin të buta, por për shkak se kishte ethe, sipas protokollit duhej të ndiqej një procedurë e veçantë testi koronavirus.
E vogla është rasti i parë i identifikuar pozitivisht me koronavirus në ishullin e Rodos. Familja ishte urdhëruar nga spitali që të qëndronte në shtëpi derisa të merreshin rezultatet e ekzaminimit të tyre.
Greqia po mendon të shtojë masat parandaluese, pas përshkallëzimit të situatës në Greqi dhe Spanjë.
Sipas Qendrës Evropiane për parandalimin e sëmundjes, shkalla e transmetimit të sëmundjes brenda 14 ditëve u rrit 10 herë , duke arritur nga 3.3% në 31.6% në Evropë dhe në Mbretërinë e Bashkuar. Megjithatë, Greqia ndodhet ende larg këtij piku.
