Aktorja e njohur Leze Qena ndërroi jetë ditën e djeshme në QKUK pas komplikacioneve shëndetësore.
Prej disa javësh, burime të “Prive.al” kanë mësuar se aktorja ishte në gjendje tejet të rëndë dhe nën monitorimin e vazhdueshëm të mjekëve.
Burime pranë ikonës së humorit kanë bërë të ditur se amaneti i saj i fundit ka qenë që të varroset në Prizren, qytetin ku u lind e nga i cili nuk u shkëput tërësisht asnjëherë përkundër dallgëve të jetës.
Në kohën e pandemisë të coronavirusit, mbetet tejet problematik organizimi i ceremonisë së lamtumirës dinjitoze për aktoren Qena, detaj i cili ende nuk është qartësuar dhe që pritet të definohet në orët në vazhdim.
