Koronavirusi nuk la pa prekur as bluzat e bardha në vendin tonë, por ditën e sotme vjen një lajm i mirë.
Ministrja e Shëndetësisë, Ogerta Manastirliu konfirmon se një mjek dhe një infermier janë shëruar. Ata kanë dalë negativë në testin e radhës të COVID-19 dhe tani do të qëndrojnë të vetëizoluar në banesat e tyre për 14 ditë.
Gjithashtu ministrja bën me dije se janë 72 pacientë të shtruar në spitalin infektiv.
Postimi i Manastirliut:
Sot lajmi i mirë është shërimi i një mjeku dhe një infermieri mes 7 qytetarëve të konfirmuar më herët me COVID-19, që sot rezultuan negativë në testet e rradhës🙏🏼
Mes pacientëve të shtruar në spital dhe personelit shëndetësor e qytetarëve të vetëkarantinuar, shkon në 17 numri i personave që tashmë janë shëruar.
Të gjithë ndodhen në shtëpitë tyre, ku do të vazhdojnë të jenë të vetëizoluar edhe për 14 ditë.
Por nga ana tjetër, numri i qytetarëve të prekur po rritet dita-ditës. Po ashtu numri i qytetarëve që kanë nevojë për trajtim në spitale, ku deri tani janë 72 qytetarë të shtruar në spitalin infektiv.
LUTEMI qytetarë: Distancimi social dhe masat e higjienës janë THELBËSORE për të ndalur këtë armik të padukshëm❗️
