Vazhdon situata dramatike me koronavirus në Spanjë. Në 24 orët e fundit janë shënuar 514 viktima, duke e çuar në 2636 numrin total.
Shifrat tragjike, me një rritje 20% nga një ditë më parë u raportuan nga ministria e Shëndetësisë spanjolle.
Vetëm në Madrid, numri i viktimave është rritur në 1535, ndërsa mbi 12 mijë janë të prekurit.
Spanja është shteti i dytë në Europë, pas Italisë, për numrin më të madh të viktimave dhe i treti në botë.
