Policia e Tiranës në bashkëpunim me Prokurorinë e Rrethit Gjyqësor Tiranë bënë të mundur ndalimi e shtetasit Erjon Çutra, 36 vjeç, banues në Tiranë, mësues në shkollën e mesme ndërtimore “Karl Gega” të Tiranës.
Ndalimi i tij u bë pasi në emisionin investigativ “Stop”, në televizionin Klan, janë paraqitur filmime të veprimeve korruptive të kryera prej tij ku në këmbim të marrjes së përfitimit të paligjshëm në vlerën 30.000, mundësonte studentëve regjistrimin pranë shkollës “Karl Gega”, megjithëse ata nuk plotësonin kriteret e vendosura nga drejtoria e kësaj shkolle.
Materialet i’u kaluan Prokurorisë së Rrethit Gjyqësor Tiranë për veprën penale “Korrupsion pasiv i personave që ushtrojnë funksione publike”, të parashikuar nga Neni 259 i Kodit Penal.
