Tre raste të reja me koronavirus u konfirmuan ditën e sotme në Fier. Njëri prej të prekurve është djali i deputetes së PS, Antoneta Dhima.
Ndërkohë, e gjithë familja e deputetes është futur tashmë në karantinë në Fier.
26-vjeçari pasi ka rezultuar pozitiv me Covid-19, është sjellë në spitalin Infektiv për të marrë trajtimin mjekësor. Kujtojmë se pas Tiranës, Fieri është më i prekuri nga Covid-19, ku numri i të infektuarve ka shkuar sot në 12.
