Për shkak të përhapjes së coronavirusit, përfundimi i sezonit të Premier Ligës, është vendosur në rrezik të madh. Aktualisht duhen luajtur edhe 9-të ndeshje që sezoni të përfundojë, ndërsa për tu shpallur kampion Liverpooli ka nevojë për vetëm gjashtë pikë.
Në lidhje me këtë, Wayne Rooney, beson se edhe nëse sezoni nuk arrin të përfundojë titulli kampion duhet t’i shkojë pikërisht atyre pas sezonit fantastik që kanë treguar.
“Liverpooli do ta fitojë kampionatin. Ata kanë qenë fantastikë. A mund ta imagjinoni të presësh 30 vite për titullin e parë dhe ta heqin në këtë mënyrë? Sezoni duhet të përfundojë, ai do të ishte vendimi i duhur”.
Duke folur për kohën se kur do të përfundojnë kampionatet, ish-sulmuesi i Man.United, shprehet se nuk do të habitej që kjo mund të ndodhë në fund të vitit 2020. “Nuk do të habitesha nëse kampionatet të përfundonin në fund të vitit 2020, kështu që mund të ndikojë në sezonin e ardhshëm. Askush nuk di asgjë. Kjo është situatë e paprecedentë”. – ka shtuar ndër të tjera Rooney.
