Nuk ka qenë jashtë vëmendjes së ish-kryeministrit Sali Berisha në seancën e sotme as zv.kryeministri Niko Peleshi, të cilin e ka akuzuar për interesa kanabiste në Pukë dhe si një nga tre emrat që figurojnë nga përgjimet e agjencive të huaja.
Berisha tha se në fshatin Qatom të Korçës mungon uji pasi është devijuar për vaditjen e kanabisit.
“Çfarë interesa kanabiste ke në punë ti? Absolutisht do t’i hetoj gjer në një. Tre janë emrat që dalin në të gjitha përgjimet e agjencive të huaja. Rama, Tahiri dhe Peleshi. Qeshni, qeshni, unë fare mirë mund të them del kushërira por nuk del. Fare mirë mund të them që del ky tjetri por nuk del. Qenka Korça pa kanabis. Nuk di ç’thonë ata të Qatomit që na kanë marrë ujin e pijshëm për kanabisin. Ua keni marrë ujin për kanabis. Tre emra që kanë dalë në të gjitha përgjimet e agjencive: Rama, Tahiri dhe Peleshi”, tha Berisha.
