Ish-kryeministri Sali Berisha gjatë fjalës së sotme në parlament preku edhe raportin e Transparency International Albania për korrupsionin në vend dhe për pandëshkueshmërinë, ku përmendeshin kreu i LSI, Ilir Meta, kreu i PD, Lulzim Basha dhe kreu i PR-së, Fatmir Mediu. Duke u ndalur një çast ndërsa fliste për maturantët, Berisha tha se TIA është korruptuar nga Sorosi.
“Mirë këtë vit mund të mbrojë TIA dhe Sorosi që e korrupton TIA-n por korrupsioni në sistemin arsimor është forma më e egër e korrupsionit dhe ju do t’ia dëgjoni shumë shpejt gjëmën. Dëgjoni ju maturantë: Ju jeni njerëz të tradhtuar”, tha Berisha duke garantuar maturantët për mbështetje, ndërsa i ka nxitur të vazhdojnë protestat.
