Romelu Lukaku i shtohet listës së lojtarëve të cilët kanë vendosur për të ndihmuar ekonomikisht strukturet spitalore në Itali për emergjencën e koronavirusit.
Sulmuesi shtatlartë, do të dhurojë 100,000 euro në spitalin San Raffaele afër Milanos, i cili është prekur rëndë nga koronavirusi. Gjesti bujar u njoftua të premten në një mesazh video në faqen e “Twitter” të klubit të tij, Inter.
“Në këto kohë të vështira, ne duhet të jemi të bashkuar dhe të qëndrojmë në shtëpi,”- ka thënë Lukaku, i cili është gjithashtu në karantinë në Milano. “Italia është një vend i jashtëzakonshëm që ka bërë kaq shumë gjëra të mira për mua dhe familjen time. Kjo është arsyeja pse unë dua ta ndihmoj këtë vend duke dhuruar 100,000 euro në spitalin San Raffaele. Do të ishte mirë nëse mund të mbështesin popullsinë dhe spitalet gjithashtu. Le të qëndrojmë të bashkuar. Forcë për të gjithë”.
https://twitter.com/Inter/status/1241061717330874370?ref_src=twsrc%5Etfw%7Ctwcamp%5Etweetembed%7Ctwterm%5E1241061717330874370&ref_url=https%3A%2F%2Fwww.rtbf.be%2Fsport%2Ffootball%2Fetranger%2Fitalie%2Fdetail_romelu-lukaku-fait-un-don-de-100-000-euros-a-un-hopital-milanais%3Fid%3D10463747
