Posta Shqiptare bën të ditur se të gjithë qytetarët, bizneset dhe individët e regjistruar si tatim pagues mund të paguajnë detyrimet e tatim-taksave dhe pagesat utilitare, si faturat e energjisë elektrike, të ujit, etj, pranë zyrave postare të shërbimit universal.
“Bazuar në vendimin e Kryeministrisë që zyrat të cilat ofrojnë shërbim për qytetarët do të punojnë me orar të reduktuar, ju njoftojmë se duke filluar nga nesër, të gjithë qytetarët, bizneset dhe individët e regjistruar si tatim pagues mund të paguajnë detyrimet e tatim-taksave dhe pagesat utilitare si faturat e energjisë elektrike, të ujit, etj, pranë zyrave postare të shërbimit universal, jo në zyrë pensionesh, nga ora 05:30- 12:30”, njoftoi Posta.
Zyrat postare do të jenë të hapura edhe gjatë ditëve të pushimit zyrtar, të shtunë dhe të hënë, duke ofruar shërbimet tona për të gjithë qytetarët shqiptarë.
Posta apelon qyetarë të tregohen të kujdesshëm në ndjekjen e këshillave të marrjes së masave mbrojtëse dhe të respektimit të rradhës, duke hyrë një nga një në sportel.
