Kryeministri Edi Rama përcolli sot mesazhin e kryetarit të bashkisë së Delias, Itali, Gianfilippo Bancheri, i cili thekson se “dëgjoj që gjithçka do të jetë në rregull. Por, si mund të jetë në rregull nëse vazhdojmë të dalim çdo ditë në dyqane, të marrim benzinë ose të shkojmë në vrap?”
“Një mesazh nga Italia ku çdo 2 minuta vdes një njeri”, shkruan Rama.
Kryebashkiaku Bancheri thekson se “një banorja jonë u shoqërua në spital për dyshime me COVID-19. Iu bë tamponi dhe pak më parë drejtoresha sanitare ‘Marcela Santino” më konfirmoi që për fat të mirë tamponi rezultoi negative. Nuk është një rast i dyshuar për COVID-19. Duhet të kemi kujdes me situatat që po krijohen, shumë prej jush keni bërë parulla ku shkruani do të shkojë çdo gjë mirë. Shumë e shkruajnë këtë edhe në mesazhe në rrjetet sociale, por unë dua të kuptoj si do shkojë çdo gjë mirë nëse dalim çdo ditë të bëjmë pazarin, ku pazari duhet të bëhet një herë në 10 ditë, si do shkojë mirë kur shumë persona shkojnë të blejnë cigare, e kanë ves i kuptoj të marrin shumë dhe t’i pijnë në shtëpi, por ata dalin dhe shkojnë i blejnë përditë”.
Më tej, Bancheri thekson se “si do shkojë mirë kur njerëzit shkojnë në karburante? Çfarë u duhet benzina kur nuk u duhet të lëvizin? Të rrish në shtëpi nuk do të thotë të sjellësh 20-30 persona në shtëpi për të bërë diçka”.
Kryebashkiaku i Delia-s tha se “sot është detyrim të rrish në shtëpi. Duhet të falenderojmë ata që janë në llogore , në ballë të luftës”.
