Poliocia ka sekuestruar arsenal armësh zjarri, granata, municion luftarak e jelek antiplumb në kuadër të operacionit “BLIC”
Në pranga është vënë një 47-vjeçar nga Tirana me iniciale E.D. Burime bëjnë me dije se i prangosuri është shtetasi Endrit Demiri.
Policia kishte marrë informacione në rrugë operative se ky shtetas dispononte arsenal armësh zjarri, si dhe kishte krijuar një ambient (bodrum) që dyshohet se do ta përdorte për kultivimin të narkotikëve.
“Gjatë kontrollit të ushtruar në banesat në pronësi të tij, në Tiranë dhe në fshatin Pëllumbas, Policia gjeti dhe sekuestroi një arsenal armësh, konketisht:
4 armë zjarri automatike, 4 granata dore sulmuese, 13 ndezës unifikues të granatave të dorës, 8 kapsolla detonatore, 1000 fishekë, 9 krehëra dhe një jelek antiplumb si i Policisë.” thuhet në njoftimin e Policisë
Vijon puna, në bashkëpunim me prokurorinë, për dokumentimin e plotë të veprimtarisë kriminale të këtij shtetasi dhe qëllimit të mbajtjes së arsenalit të armëve në banesë.
Materialet i kaluan prokrurorisë, për veprime të mëtejshme, për veprën penle “Mbajtja pa leje e armëve, armëve shpërthyese dhe municionit”.
