Një tërmet i fuqishëm ka goditur Greqinë në orët e para të mëngjesit të kësaj të shtune.
Lëkundja sizmike ka qenë me magnitudë 5.4 e shkallës Rihter dhe epiqendra e tij ka qenë 46 km në jug-perëndim të Janisë.
Tërmeti është regjistruar në 01:49 me orën tonë (02:49 me orën lokale). Lëkundje të tjera janë regjistruar dhe në orët në vazhdim por me magnitudë më të vogël.
Nga informacionet paraprake, media vendase nuk raportojnë për persona të lënduar, por vetëm rrëzimin e disa banesave të vjetra.
Lëkundjet sizmike janë ndjerë dhe në juglindje të Shqipërisë, të cilën e dëshmon videoja e mëposhtme e cila është regjistruar në qytetin e Korçës.
