Shtohen me 6 raste personat e prekur nga Covid 19 në Shqipëri, duke e çuar numrin total në 70 persona.
Ministria e Shëndetësisë bëri të ditur se nga 35 rastet e testuara, kanë dalë pozitiv 6 raste, 5 në Tiranë dhe 1 në Fier. Sipas të dhënave zyrtare, nga 5 rastet e zbuluara në Tiranë, dy janë pika kontakti të personave të infektuar, ndër 3 të tjera konsiderohen si vatra të reja, pra jo si të infektuar nga kontaktet e mëparshme.
Sipas të dhënave zyrtare, deri më tani janë kryer 732 testime, ndërsa janë konfirmuar 70 raste.
Ministria e Shëndetësisë bëri të ditur se në Tiranë janë 50 nga qytetarët e infektuar me Covid 19, ndërsa në Spitalin Infektiv janë shtruar 35 pacientë, nga të cilët ndodhen në terapi intensive 3 pacientë, asnjë prej tyre në intubim.
