Çmimet e mëdha të Holandës, Spanjës dhe Monakos në F1 janë shtyrë për shkak të coronavirusit. Më parë ishin pezulluar edhe katër garat e para të sezonit, atyre të Australisë, Bahreinit,Vietnamit dhe Kinës.
Kështu numri total i Çmimeve të Mëdha që nuk do të zhvillohen shkon në 7-të, duke e vendosur sezonin e ri përballë paqartësive të mëdha.
Tre çmimet e mëdha europiane ishin përcaktuar të zhvilloheshin në muajin maj. Gara e Holandës me 3 maj, ajo e Spanjës një javë më pas, ndërsa gara e veçantë e Montekarlos me 24 maj.
Akoma nuk ka një vendim se kur do të zhvillohen, pasi drejtuesit e Formula 1 po presin me padurim qetësimin e situatës së jashtëzakonshme që është krijuar nga koronavirusi në kontinentin e vjetër.
BREAKING: The Dutch, Spanish and Monaco Grands Prix have been postponed due to the global coronavirus #F1 https://t.co/jWGUra72Ok
— Formula 1 (@F1) March 19, 2020
