VIDEO/ Pensionistët sorollatën në sportelet e postës, Pampuri thirrje qeverisë: Pensioni t’u dërgohet në shtëpi

“Thirrja e trishtueshme e pensionistëve sot, duhet të jetë këmbanë alarmi për çdo Qeveri të përgjegjshme.” \

Kështu shkruan ish-deputetja demokrate Oriola Pampuri, duke publikuar në rrjetet sociale pamjet e një të moshuare e cila ka shkuar të marrë pensionin, pasi ndryshe nga ajo çfarë ka thënë qeveria, askush nuk i ka shkuar në shtëpi për t’ia çuar.

Ajo i bën apel qeverisë që pa asnjë vonesë të nisë shpërndarja e pagesës së pensionit në shtëpi për çdo pensionist, si dhe furnizimi me ushqime dhe ilaçe të të moshuarve që jetojnë vetëm apo të të pamundurve

Postimi i Pampurit:

Thirrja e trishtueshme e pensionistëve sot, duhet të jetë këmbanë alarmi për çdo Qeveri të përgjegjshme. Ato janë shtesa më e rrezikuar nga përhapja e virusit COVID-19.

Partia Demokratike bën thirrje që pa asnjë vonesë të nisë shpërndarja e pagesës së pensionit në shtëpi për çdo pensionist, si dhe furnizimi me ushqime dhe ilaçe të të moshuarve që jetojnë vetëm apo të të pamundurve për shkaqe invaliditeti dhe janë më të rrezikuarit nëse dalin në rrugë.

Situata kërkon masa dhe veprime të menjëhershme. Në këtë kohe krize, fjalët e bukura të Qeverisë nuk mjaftojnë. Propaganda në kohë krize, nuk ndihmon, por mund të kushtojë jetë.