Presidenti i Republikës, Ilir Meta, njihet prej kohësh si një tifoz i zjarrtë i skuadrës skoceze, Celtic.
Këtë, Meta e ka rikonfirmuar edhe në dedikimin special që i ka bërë portierit të ekipit, Fraser Forster në rastin e ditëlindjes së tij.
Në urimin e tij Presidenti i Shqipërisë ka postuar një video, ku portieri Foster pret një penallti të gjuajtur nga Alfredo Morelos i Gllasgou Reinxhers në finalen e “Betfred CUP”.
“Gëzuar ditëlindjen e 32-të ‘La Gran Muralla’ ( mur i madh), për legjendën tonë, për heroin tonë, Frejzer Forster! Ne jemi me fat që ai luan për ne! Urimet më të mira miku im! Përshëndetje!”- ka shkruar Presidenti i Shqipërisë.
https://twitter.com/ilirmetazyrtar/status/1239997011044245506
Për këtë tifoz “special”, Tabloidi britanik “The Sun”, në versionin skocez, ka kushtuar një shkrim të veçantë mesazhit të urimit që President i Republikës së Shqipërisë, Ilir Meta, i ka bërë portierit të Celtic.
Në postimin e tij në Twitter, sipas tabloidit “The Sun”, Meta i uron kështu mbështetësit e Celtic: “Në këto periudha të vështira për të gjithë [botën] shkakun e # covid19 vëmendja ime shkon për të fansat e mrekullueshëm të #CelticFC posaçërisht në [Skoci dhe Republikën e Irlandës]! Duke ju uruar gjithë të mirat, shpresoj që kjo situatë të kalojë së shpejti që të mund të takohemi në Parajsë! Zoti bekoftë ‘The Hoops” dhe familjet e tyre! Qëndroni të sigurt! Qëndroni të shëndetshëm!”
Artikulli i “The Sun”: https://www.thescottishsun.co.uk/sport/football/5399467/celtic-albania-president-forster-rangers-morelos-penalty/
