Presidenti i Federatës Spanjolle të Futbollit, Luis Rubiales, e ka përjashtuar mundësinë e dorëzimit të titullit kampion Barcelonës, nëse La Liga nuk përfundon brenda qershorit të 2020, afat ky i vendosur nga UEFA.
La liga aktualisht është pezulluar, teksa mbeten edhe 11 ndeshje për tu luajtur në kalendar. Në mediat spanjolle qarkullonte lajmi se Barcelona, e cila aktualisht kryeson renditjen me 2 pikë avantazh ndaj Realit të Madridit, do ti jepej titulli nëse sezoni nuk do të përfundonte.
Sidoqoftë, Rubiales, ka përgënjeshtruar gjithçka, duke thënë se kjo gjë nuk do të ndodhë.
“Së bashku me UEFAN vendosëm afatin që çdo kampionat të përfundojë brenda qershorit, megjithëse situata aktualisht nuk është aspak favorizuese. Nuk mund të garantoj se La liga do të përfundojë sezonin brenda 30 qershorit. Është e padrejtë që kampionati të përfundojë me klasifikimin aktual nëse të gjitha ndeshjet nuk do të luhen. Kjo gjë nuk do të ndodhë”. – ka thënë ai për “AS”.
