Kryeministri Edi Rama, i pari i qeverisë nuk ngurroi asnjë çast ta fyente një qytetar në Patos, duke i kërkuar t’i bënte të fala gruas dhe madje duke shtuar “gruaja jote duhet të jetë heroinë që të duron ty”, por ka edhe nga ata që kanë menduar t’i përgjigjen me të njëjtën gjuhë.
Tifozët në stadiumin “Loro Boriçi” gjatë ndeshjes Shqipëri-Maqedoni kanë ngritur një parullë ku shkruhej: “Edi, gruaja e Çuçit është heroinë që të ka duruar ty”. Bëhet fjalë për ish-bashkëjetuesen e Ramës, e cila sot është e martuar me ministrin Bledi Çuçi.
Po dje jashtë stadiumit “Loro Boriçi” tifozët kanë pasur edhe një tjetër porosi për kryeministrin. “Rama, duart larg nga Shkodra!”. Madje gjatë ndeshjes nuk kanë munguar as thirrjet “Sali Berisha-Sali Berisha!”.
