Nga Dritan Kaba
Nuk do dal në ballkon edhe si i marrë të duartrokas në ajër!
Unë do ndez në darkë një qiri në dritaren time edhe do t’i lutem Zotit për mjekët, infermierët, punëtorët e pastrimit në spitale, mirëmbajtësit, shoferet e ambulancave dhe gjithkënd tjetër që shërben në shëndetësi apo në shërbimet e tjera publike!
Unë do ndez një qiri tjetër për familjet, që jetojnë në çadra nga pasojat e tërmetit dhe nuk kanë ujë me se të lahen. Ne nuk i shohim se mediat i kanë harruar!
Unë do të lutem për familjet në nevojë, që nuk kujtohet askush për ta!
Unë do lutem për punëtorët që kanë humbur vendet e punës!
Unë do te lutem për të rinjtë dhe fëmijët, që të kalojnë ketë vit të traumatizuar dhe në mësime por edhe në jetën e tyre të përditshme!
Une do t’i lutem Zotit për të sëmurët, familjet e invalideve, të familjeve që kanë fëmijë autike dhe në këto momente të vështira për ta askush nuk po iu vjen në ndihmë!
Unë i lutem Zotit, nuk duartrokas si në paradat e 1 majit, me komandën e Gjithologut kokëbosh!
