Nga Boldnews.al
Ata nuk jetojnë më shumë se tre ditë nëse nuk ka kamera, aparatë fotografikë, apo edhe nëse i presin linjën e internetit. Kjo është sëmundja që “prek organet jetësore” të kryeministrit Edi Rama dhe të kryebashkiakut të Tiranës Erion Veliaj. Që të dy janë me frymëmarrje të gjatë “srtificiale” që vjen nga propaganda dhe si instrumente “mjekësore” janë shfaqjet në publik përmes objektivit të një kamere apo aparati fotografie.
Vendi është në kaos të plotë, 15 rastet e konfirmuara me coronavirus janë vetëm ajo pjesë e dukshme, por janë dhjetëra, në mos qindra të tjerë, të cilët dyshohet se janë prekur prej atyre që e importuan këtë virus, kryesisht nga Italia.
Rama nuk merret me thelbin, sesi nuk pati kontrolle në pikat e kalimit kufitar për personat që udhëtonin nga vatrat e rrezikut. I duket një shaka e vogël që në karantinë të izoluar në shtëpi mes ankthit janë 29 mjekë dhe infermierë të Spitalit të Durrësit, pikërisht sepse nuk funksionouan disa institucione shtetërore.
Një prej personave të prekur nga coronavirusi gruaja 73-vjeçare që u nda nga jeta ditën e djeshme kishte qëndruar për pesë ditë në pavionin e Patologjisë në Spitalin e Durrësit. Dhjetëra të tjerë janë po aq në ankth pasi kanë pasur kontakt me të moshuarën, e cila qëndroi për pesë ditë në pavion pa ardhur një verifikim nga policia për sistemin TIMS (hyrje-daljet e saj në Itali), apo edhe një veorifikim nga Instituti i Shëndetit Publik për kryerjen e analizave për coronavirusin.
Rama sot tregon sesi lahen duart, duke përdorur qenefin e tij në kryeministri, edhe pse shpesh është etiketuar si individi që në rininë e tij, por edhe në kohën kur ishte “politikan spektakli” zhulin e ktheu në ekspriment personal…
Si mund të mungonte çiraku i tij, që “Usta Rama” e rriti që në rini, për të trashëguar zanatin e propaganxhiut, si një mjet për të mbajtur pushtet, për të abuzuar, për të mbytur një kryeqytet me ndërtime dhe për të shkatërruar një histori nga rrënimi i objekteve të trashëgimisë kulturore.
Ai e ka edhe më jetësore propangën. Lali Eri nuk frymon dot edhe nëse mungon një ditë të vetme para mediave. Nuk e zë gjumi dhe kalon në depresion të thellë nëse nuk poston një koment, shfaqje apo “histori herojsh”, me punonjësit e majmun të bashkisë që drejton.
Po sot ata të dy e kanë spektaklin të garantuar. Nëse liderët e shteve të prekura nga coronavirusi mbyllen në zyra dhe në çdo çast lëshojnë akte dhe marrin masa për të mirën e qytetarëve, Rama dhe Veliaj “luajnë maskash”.
Veliaj nxjerr në rrugë një autobot të lodhur që sipas tij po dezinfekton rrugët e Tiranës, por e nxjerr sa për një xhiro dhe kthehet në gjysëm të bulevardit, vetëm atëherë kur kameramanët e bashkisë bënë nja dy-tre dubla, për ta paraqitur më pas si “masë serioze”. Ata janë në garë. Kush do e mbajë “kororën” e coronavirusit, Rama apo Veliaj, aktualisht janë rrotë më rrotë…!
