Dhjetë raste të reja të koronavirusit në Greqi u njoftuan nga Ministria e Shëndetësisë ditën e sotme. Tashmë numri i të prekurve ka shkuar në 99 persona. Mediat e huaja raportojnë se 95 të prekur janë me origjinë greke, ndërsa 4 janë të huaj. Dy prej pacientëve janë duke u trajtuar në Njësitë e Kujdesit Intensiv të FPI Patras dhe AHEPA.
Të gjithë të tjerët janë në gjendje të qëndrueshme dhe mbikëqyrja e tyre shëndetësore vazhdon. Aktualisht 29 prej tyre janë shtruar në spital në Attica, Selanik, Patras dhe Mytilene, ndërsa 68 mbeten në izolimin e tyre në shtëpi.
Procesi i përcjelljes së rasteve të reja të kontaktit është në vazhdim e sipër. Paradat e 25 Marsit u anuluan për shkak të koronavirusit. Më herët dhe gjatë një takimi midis kryeministrit Kyriakos Mitsotakis dhe qeveritarëve rajonalë të vendit në Pallatin Maximus, u vendos që të anulohen paradat e 25 Marsit në të gjitha rajonet.
