Nga Boldnews.al
Në atë mbledhje qeverie, hundët dhe buza e tij u mbuluan nga një maskë e thjesht kirurgjikale. Tregoi se jemi në kohë coronavirusi dhe se qeveria me “Task Force”, ca bishta pas, e shumë fjalë të tjera gjoja institucionesh, ISHP, PSH etj, etj, ishte e gjitha në këmbë sipas kryeministrit tonë.
Këshilla dhe falenderime për masat e marra, formë propagande ndërsa coronavirusi u shfaq frikshëm. Ndodh që kur gjithçka e ke për spektakël të zbulohet dhe të bjerë ajo maskë. Partia Demokratike denoncoi skandalin e madh që lidhet drejtëpërdrejtë me lojen e jetëve njerëzve. Mbi 1.2 milionë masaka kirurgjikale kanë skaduar që në vitin 2011, por qeveria i shpërndau për personelin mjekësor në çdo rreth të vendit. Në fakt ata ishin stoqe që duheshin asgjësuar, por spektakli: “Rama, coronavirusi dhe shokët e tij,,,”- nuk zgjati as pak orë.
“Ministria e Shëndetësisë është përfshirë në skenar kriminal. Nuk janë mjete mbrojtjeje spitalore por mbetje që duheshin asgjësuar. Kam një apel për Prokurorin e Përgjithshëm të Shqipërisë. Së pari ky është një krim i rëndë shtetëror ku është përfshirë Ministria e Shëndetësisë. Nga ky operacion kriminal, rrezikohet jeta e mjekëve, do të thotë se rreziku i mjekëve është rrezik për çdo qytetar shqiptar”-deklaroi Sekretari i Përgjithshëm i PD-së Gazmend Bardhi.
Në fillim Rama e quajti mashtrim, por pak më vonë e pranoi se ishin të skaduara, por sipas tij ishin për përdorim të përditshëm… “Ne këto nuk i çuam në sallat e kirurgjisë, ku këto maska përdoren kur janë në efikasitet të plotë dhe megjithëse parametrat i kanë si përqindje të reduktimit të efektit 99%, prapë nuk i kemi çuar atje, por për përdorim të përditshëm”, tha Rama.
Ju dogj filmi me maska kirurgjikale, iu pre në mes edhe ajo dubël e shpifur kur vetë ai vendosi mbi mjekrën e mardhë e të gjatë atë maskë për të dhuruar spektakël në kohë virusi… U desh një detaj fare i “vogël” që të rrëzohet ai mit që e besojnë vetëm Rilindasit se qeveria po e përballon me shumë sukses situatën. Me të drejtë qytetarët duhet të alarmohen!
Ndërsa e gjithë bota po kthente në gjysmë karantinë qytete të tëra batutaxhinjtë zyrtarë postonin shprehje idiote si: “shqiptarin nuk e gjen gjë, apo me hudhra dhe raki ikën mposhtim ‘COVID-19”. Dhe është paaftësi e një strukture që vetëm propagandon, por nuk merr masat ashtu si e gjithë bota. Deri më datë shtatë mars, në daljet publike të krerëve të institucioneve të shëndetësisë thuhej se nuk ka asnjë rast, një ditë më pas shfaqen dy, 22 orë më vonë shkon në 10 numri i të prekurve, pak më pas 12 dhe shumë të tjerë të dyshuar.
Por papërgjeshmëria dhe paaftësia u regjistrua në Spitalin e Durrësit. Një e moshuar e cila kishte pak ditë që ishte kthyer nga Italia u shtrua në spital për bronkopneumoni, por vetëm një ditë më parë u zbulua se ishte me coronavirus. Dyshohet se të paktën pesë personave familjarë që i shërbyen pacientes mund të jenë infektuar, ndërkohë në anth janë edhe mjekë dhe infermierë të cilët i shërbyen të moshuarës që pak minuta më parë u nis për në Tiranë pasi është në gjendje tepër të rëndë shëndetësore.
Ka edhe një libër të ministreshës së tij të preferuar Elisa Spiropali, që e ka titulluar “Maska ra”. Në këtë rast, vetë Ramës, por edhe gjithë qeverisë i ra ajo maskë nën hundë për të treguar jo vetëm mungesësn e seriozitetit, por edhe frikën e madhe qytetare që kur mashtrojnë edhe në këto detaje si mund të jetë situata reale me coronavirusin që ka gjunjëzuar një pjesë të mirë të botës, ndërsa në vendin tonë pushtetarët krekoseshin se me masat e marra kishin frenuar “COVID-19” që erdhi nga “Kina Motër”….
