Një shqiptar në Itali edhe pse ishte arrestuar katër herë për trafik drogë nuk ka hequr dorë nga ‘profesioni’. Së fundi ishte në “arrest shtëpie” për të njëjtën akuzë.
Mediat italiane raportojnë se shqiptari 45 -vjeçar me inicialet L.S. ishte arrestuar katër herë, por e gjithë kjo nuk kishte mjaftuar që të hiqte dorë nga shpërndarja e drogës. Shqiptari ishte në arrest shtëpie, i kishte gati klientët dhe masa e sigurisë nuk e pengonte fare që të linte punën.
Klientët i shkonin në banesë në rrugën Del Ponte në San Lazzaro. Dozat e kokainës shqiptari ua hidhte nga dritarja e shtëpisë, ndërkohë që paratë për mallin që blinin ia linin në oborrin e shtëpisë. Me qetësi ai merrte paratë ose vetë, ose përmes gruas. Policia që e vënë në dyshim, po e ruante, e kapi një nga klientët me dozën e drogës në dorë. Menjëherë bënë kontroll në banesën e shqiptarit dhe i zbuluan ‘magazinën’ e drogës.