Aventura e Jasir Asan-it me skuadrën suedeze, AIK, po shkon në mënyrën e duhur. Mbrëmjen e djeshme, anësori tetovar, ishte protagonist në fitoren 3-1 të skuadrës së tij kundër Kalmarit.
Në minutën e 80-të, Asani, me një shpejtësi të admirueshme me topin në këmbë, lë pas kundërshtarët e tij, duke shënuar golin e tretë për AIK-un.
Kjo ndeshje ishte e vlefshme për Kupën e Suedisë. AIK-u bën pjesë në grupin e katërt dhe kryeson atë në kuotën e 7 pikëve, ndërsa ndiqet nga Kalmar me 6 pikë.
