Një 40-vjeçar nga Bulqiza ka mbërritur sot me urgjencë te Infektivi. Ai prej dy javësh pas kthimit nga Italia ka qenë i sëmurë në shtëpi me kollë dhe temperaturë.
40-vjeçari është sjellë në spital nga nëna e tij, e cila u shfaq në një deklaratë për media pa asnjë masë mbrojtëse, ndonëse ka qëndruar prej dy javësh pranë të birit i cili dyshohet se ka koronavirus, por ende ska dalë përgjigjia.
“E çova në spital të Bulqizës, e çova dhe më bënë analizat më pas e sollën këtu. I kanë bërë dhe analizat këtu dhe smë kanë dhënë asnjë përgjigje. Më 22 shkurt ka ardhur nga Italia. Një javë ka qenë sëmurë në shtëpi. Ka pasur probleme me frymëmarrjen. Temperatura 38 shkonte ndonjëherë 39 dhe vetëm kollej. 2 javë në shtëpi. 5- 6 ditët e fundit u përkeqësua. Kollitje dhe djerësët i kishte më shumë problem. I kanë bërë analizat dhe mbrëmë dhe sot. Nuk i kanë dhënë asnjë përgjigje. Mua smë kanë bërë asnjë kontroll”, ka thënë nëna e 40 vjeçarit të shtruar tek Infektivi.
Ai ka hyrë në vendin tonë më 22 shkurt nga Porti i Durrësit dhe për në Bulqizë ka udhëtuar me makinën e tij.
