Një aksident automobilistik është regjistruar paraditen e kësaj të marte në juglindje të vendit, ku një makinë tip “Ford” është përplasur me një zetor.
Ngjarja ka ndodhur rreth orës 10:15, në afërsi të fshatit Pirg të Maliqit.
Për pasojë drejtuesi i zetorit shtetasi M.D., dhe pasagjerja bashkëshortja e tij shtetasja E.D. (pasagjere në zetor) kanë mbetur të plagosur.
Të plagosurit janë transportuar për mjekim në Spitalin e Korçës dhe aktualisht janë jashtë rrezikut për jetën.
Grupi hetimor po punon për të zbardhur rrethanat e aksidentit dhe përcaktuar shkaqet e tij.
