Jofiel Koço, astrolog shqiptar, ka qenë pjesë e emisionit “ThumbON” në TV Ora, ku bëri një parashikimin se kur do të kemi rastin e parë me koronavirus në vend, e që rezultoi i saktë. “Brenda Marsit ose Prillit”, tha Jofiel Koço dhe pikërisht këtë të Hënë u konfirmuan dy rastet e para me COVID-19.
Koço foli dhe për atë që sipas tij do të ndodhë në muajin qershor në skenën politike.
“Qershori ka ngjarje. Ka një arsye profesionale të cilën unë mund ta them. Kemi një stacionim shumë të gjatë të Marsit në shenjën e Dashit i cili mbështet shumë Metën. Mos harrojmë se Marsi kur vjen në një shenjë nga ana mjekësore shton prodhimin e rruazave të gjakut, rinovon gjakun, por jep iniciativë, sportivitet shumë të madh. Pra Marsi që është planet i shenjës së Dashit (shenja e Metës) e mbështet shumë Metën me iniciativën e tij. Elementi numër dy: Në 6 Qershor, aksi verior i hënës që drejton aferat e përditshme të jetës së njerëzve, Hëna hyn në Binjakët. Dhe kjo do japë risi se ka ndenjur në Gaforre një vit e gjysmë. Në shenjën e Binjakëve favorizon disa shenja dhe disfavorizon disa shenja të tjera. Unë do të thoja që këto lëvizje e sjell pozitën e Gaforres (shenja e Ramës) në një pozitë akoma më të rëndë. Sepse një pozicion opozitar jep shumë të vështirë situatën e Gaforres. Periudhë tronditëse shumë e madhe për kryeministrin nga pikëpamja astrologjie, mos ti hyjmë politikës. Nga pikëpamja astrologjie mos të them fatale, është shumë shumë pozicion i vështirë. Fatale është goditje e menjëhershme, shpërbërje, humbje, zgjedhje të reja dhe skenarë të tillë”, tha ai.
