Ekipet e shpëtimit kanë nxjerrë të gjallë nga rrënojat një qen, i cili qëndronte aty prej 9 ditësh, pas tërmetit që shkatërroi qytetin e Amatrices në Itali. Romeo, i rracës Golden Retriever, u nxorr nga rrënojat pasi ekipet e shpëtimit e dëgjuan duke lehur.
Ndonëse kishte 9 ditë aty, sapo doli ai nisi të tundë bishtin. Zjarrëfikësit thanë se e dëgjuan qenin teksa po përpiqeshin të merrnin disa prej objekteve të mbetura të pronarit të shtëpisë.
Tërmeti që goditi Italinë qendrore më 24 Gusht i mori jetën rreth 300 personave dhe plagosi me qindra të tjerë.
