Kryetari i Partisë Demokratike, Lulzim Basha ka dalë me një propozim pas vendimit për mbylljen e shkollave, si masë e marrë për parandalimin e COVID-19.
“Pas vendimit për mbylljen e shkollave, kopshteve dhe çerdheve, duhet që shteti të paguajë apo kompensojë me vlerë të plotë një nga prindërit në marrëdhënie pune që duhet të kujdeset për fëmijët e vegjël gjatë kohës që çerdhet, kopshtet dhe shkollat qëndrojnë të mbyllura”, shkruan Basha në një postim në rrjetet sociale.
Koronavirusi ka prekur dhe Shqipërinë. Një 28-vjeccar që kishte udhëtuar në Firence është përcaktuar si pacienti 0. Ai ka infektuar dhe të atin. Të dy ndodhen në Spitalin Infektiv në QSUT, që është kthyer në karantinë. Autoritet konfirmuan se 14 persona të afërt me të prekurit janë vetëizoluar në banesa.
