Në takimin e parë zyrtar të përfaqësues së Kosovës ndaj Finlandës nuk do të lejohen simbolet kuqezi. Federata e Futbollit të Kosovës ka njoftuar të gjithë tifozët që do të ndjekin ndeshjen në stadium, të mos përdornin ngjyrat, flamujt apo fanellat e një vendi të tretë.
“FFKja njofton mbarë opinionin dhe adhuruesit e futbollit veçmas ata që nesër do të jenë në ndeshjen Finlanda – Kosova, në mënyrë që të mos ketë keqkuptime në stadium lejohen vetëm simbolet e Finlandës dhe Kosovës dhe asnjë simbol apo rekuizitë që asocion me ndonjë shtet të tretë. Ky është vendim Federatës së Futbollit të Finlandës. Po ashtu në tribunën prapa portës, lejohen vetëm simbolet e Finlandës. Në mënyrë që ndeshjen e parë historike ndërkombëtare Kosova ta kalojë pa asnjë problem dhe incident eventual, ndaj ju lusim për mirëkuptim.”- thuhet në njoftimin e Federatës së Futbollit të Kosovës.
