Specialistët e Institutit të Shëndetit Publik, kanë dezinfektuar lokalin në pronësi të Pavlin Kolës, i prekur nga koronavirusi në vendin tonë.
Atje ai ka qendruar në pjesën më të madhe të kohës dhe siç shihet nga fotot, specialistë me maska dezinfektojnë lokalin në ambjentet e brendshme dhe të jashtme.
Babë e bir, Viktor Kola 54 vjeç dhe Paulin Kola 28 vjeç, janë pronarë të një bar kafeje dhe një lavazhi në rrugën “Irfan Tomini” në Tiranë dhe kanë hyrë nga pika e Muriqanit më datë 26 shkurt.
Mësohet se gjatë ditës së sotme janë izoluar të afërmit e tjerë të personave të prekur me koronavirus me qëllim shmangien e infektimit të personave të tjerë.
Pritet dalja e analizave për personat që kanë takuar Viktor dhe Paulin Kolën 10 ditët e fundit, për të mësuar nëse ka ndonjë person tjetër të prekur.
