Një 32-vjeçar është vënë në pranga nga policia kufitare e Kapshticës, pasi ka tentuar të trafikonte drogë drejt Greqisë. Bëhet fjalë për shtetasin I.Q., rezident në Greqi, të cilit pas kontrollit iu gjet drogë e fshehur në pjesën e barkut dhe në çorape.
“Gjatë kontrollit fizik që shërbimet e Policisë Kufitare kanë ushtruar ndaj 32-vjeçarit, në pjesën e barkut iu gjet e fshehur një pako e madhe me lëndë të dyshuar narkotike e presuar, si edhe në këpucë një sasi e vogël e lëndës narkotike, të cilat u sekuestruan në cilësinë e provës materiale.” thuhet në njoftimin e policisë.
Veprimet e mëtejshme do të kryen nga specialistët e Seksionit për Hetimin e Narkotikëve dhe materialet hetimore do t’i referohen Prokurorisë pranë Gjykatës së Shkallës së Parë Korçë, për veprën penale “Trafikimi i narkotikëve”.
Një ditë më parë, Policia Kufitare e Kapshticës goditi një tjetër rast të tentativës për trafikim të lëndëve narkotike, duke sekuestruar 1 kg kokainë dhe vënë në pranga një 49-vjeçar, i cili e kishte fshehur lëndën narkotike në trup.
Drejt Greqisë me ‘Benz’, kapet kokainë në Kapshticë, 2 në pranga/FOTO
