Një ngjarje e rëndë është e regjistruar në Durrës. Tre persona kanë rrëmbyer një 16-vjeçar dhe e kanë dhunuar fizikisht.
Më pas ata janë identifikuar nga uniformat blu dhe janë vënë në pranga.
Bëhet fjalë për shtetasit: F. D. (K.), 32 vjeç, banues në Lezhë, i cili ishte i shpallur në kërkim, pasi Gjykata Lezhë e ka dënuar me 1 vit burg, për veprën penale “Futja dhe mbajtja e sendeve të ndaluara në IEVP”; A.P., 35 vjeç dhe A.H., 33 vjeç, banues në Laç.
“Këta shtetas, në bashkëpunim me njeri-tjetrin, në lagjen Nr. 16, Durrës, për motive të dobëta, kanë marrë me dhunë shtetasin E. N., 16 vjeç, në mjetin tip “Audi” e më pas e kanë dhunuar fizikisht” -thuhet në njoftimin e policisë.
Materialet i kaluan Prokurorisë së Rrethit Gjyqësor Durrës, për veprën penale “Heqja e paligjshme e lirisë, kryer në bashkëpunim”.
