Drejtorja e ISHP, Silva Bino në një dalje për mediat tha se 28-vjeçari Pavlin Kola që u shtrua tek Infektivi me koronavirus është ”pacienti zero” për Shqipërinë.
“Rasti është pacienti zero, – theksoi Bino. – Kontakti më i ngushtë i tij është i infektuar”, duke iu referuar babait të 28-vjeçarit.
Gjithashtu, Bino tha se janë gjurmuar tetë kontaktet e ngushta që mbrëmë në darkë menjëhërë pas daljes së analizave dhe sot janë gjurmuar edhe 24 kontakte të tjera që janë vetkarantinuar, karantim i kontrolluar dhe janë marrë mostrat përkatëse për analizë.
“Po gjurmohen edhe kontaktet e dyta, ato pak më largëta sepse jemi në fazën që të kufizojmë sa më shumë përhapjen e sëmundjes. Ka qënë shumë i rëndësishëm bashkëpunimi me vetë personat e infektuar dhe i falenderojmë që kanë qënë shumë të hapur dhe i falenderojmë.” – u shpreh Bino.
