Kanë hyrë në fuqi urdhërat e kryeministrit Edi Rama për parandalimin e përhapjes së koronavirusit në Shqipëri.
Mësohet se do të mbyllen institucionet arsimore publike dhe jo publike për një periudhë 2 javore.
Gjithashtu ka hyrë në fuqi urdhri për mbylljen e aktiviteteve sportive, kulturore dhe dëgjesa publike deri më 3 prill.
Ministria e Shëndetësisë nga ana tjetër ka ndaluar eksportimin e barnave dhe pajisjeve mjekësore deri në një urdhër të dytë. Si dhe në ambjentet spitalore është ndaluar hyrja e shoqëruesve dhe familjarëve të pacientëve.
