Eni Çobani, e ftuar në emisionin “Shqipëria live”, ka folur për dhunën e ushtruar nga burrat drejt grave. Ajo tha se mes grave të njohura dhe të botës së spektaklit ka plot raste që sulmojnë dhe shajnë njëra-tjetrën.
“Në këto rrethet e grave të famshme ka një luftë të brendshme që këtu qeshin dhe në momentin që largohen shajnë. Luftojnë njëra-tjetrën. Jo vetëm në Shqipëri, sepse ekziston gjithandej një frymë xhelozie mes grave,” – ka thënë juristja.
Ajo u pyet për rastet e dhunës që i kanë shkuar në zyrë, Çobani tha se ka pasur por nuk jepte dot emra. Çobani tha se i ngjethet mishi kur kujton ato gra që gdhihen mes lotësh dhe durojnë dhunën, vetëm për të mbajtur familjen e bashkuar.
“Ka të bëjë me etikën time profesionale, dhe emra normalisht nuk jap. Tani që kthej këtë përgjigje me rrëqethet mishi. Shumë gjëra nuk dihen, shihet vetëm ai shkëlqimi në ekran dhe buzëqeshja, por askush nuk di atë mbrëmjen me lot dhe atë gdhirjen e vështirë. Dhe unë mendoj se ato gra janë heroinë. Ato arrijnë ta mbajnë të bashkuar një familje, që ndoshta nuk është e vërtetë. Unë dua t’i përgëzoj sepse femrat ndonjëherë tregohen të pangopshme, për gjërat që duan të arrijnë sepse nuk vlerësojnë ato që kanë,”– tregoi Eni Cobani.
