Një tjetër grup shqiptarësh arrestohet nga autoritetet europiane në lidhje me trafikun e lëndëve narkotike.
Kësaj here në bashkëpunim të ngushtë midis autoriteteve dhe me mbështetje nga Zyrat Ndërlidhëse Gjermane dhe Norvegjeze në Europol, filloi një operacion i fshehtë, i cili çoi në arrestimet.
Hetimet filluan verën e vitit të kaluar dhe treguan se një rrjet kriminal shqiptar po trafikonte drogë nga Gjermania në Norvegji.
Operacioni u mbështet në mënyrë aktive edhe nga agjencia evropiane Eurojust, duke arrestuar pesë të dyshuar, tre në Gjermani dhe dy në Norvegji.
Grupi shqiptar ishte përfshirë në trafikun e drogës midis dy vendeve.
Gjatë hetimeve, 27 kilogramë heroinë dhe një kilogram kokainë u gjetën në një makinë rrugës për në Norvegji, bën me dije agjencia evropiane “Eurojust”.
