Një grua rreth 50-vjeçe është paraqitur në spitalin e Lushnjes me simptoma të vështirësive në frymëmarrje, temperaturë e lartë dhe dhimbje artikulacionesh.
Gruaja, pas egzaminimeve të bëra në spitalin e Lushnjes është mbajtur në karantinë dhe pas një ore është nisur drejt QSUT për egzaminime të mëtejshme.
Mësohet se 50-vjeçarja kishte dy ditë që ishte kthyer nga Padova në Itali. Me simptomat e paraqitura dyshimet janë se 50-vjeçarja mund të jetë prekur nga koronavirusi.
Mësohet se gruas i janë marrë analizat dhe brenda ditës së nesërme, laboratori i virologjisë në ISHP pritet të nxjerrë rezultatin.
