Një tragjedi vërtetë ka ndodhur në Guinea. Autobuzi i klubit të futbollit Etoile de Guinee, ka pësuar një aksident të rëndë ku për pasojë 8 futbollistë kanë mbetur të vdekur, ndërsa 17 persona të tjerë janë plagosur.
Aksidenti ka ndodhur ditën e djeshme, në dalje të qytetit Mamou, rreth 250 kilometra në lindje të kryeqytetit Conakry, aty ku është edhe baza e klubit të Etoiles.
Kjo ngjarje e rëndë është aksidenti i dytë fatal që përfshin një skuadër futbolli nga Guinea, pasi më 30 janar u regjistruan tre viktima në një tjetër aksident, ku u përfshi ekipi i Wakriya AC.
