Kompania Apple gjatë javës së ardhshme pritet të anonçojë telefonat e rinj iPhone 7 dhe 7 Plus. Së bashku me pajisjet e reja do të nis funksionimin edhe hapësira e memories iCloud me 2 terabajt.
Gjiganti amerikan më parë ofronte 1 terabajt për 9.99 dollarë në muaj, ndërsa hapësira me 2 TB do të kushtojë 19.99 dollarë në muaj. Këto oferta Apple pritet t’i nis me lansimin e iPhonëve të rinj në një konferencë për media që do të mbahet javën e ardhshme.
Modeli më i thjeshtë i iPhone 7 do të ketë 32 gigabajt në vend të 16 ndërsa modeli më i fuqishëm do të ofrojë 256 gigabajt në vend të 128 gigave.
