Tirana është i vetmi ekip i cili po ecën me hapin e një kampioni. Ndeshjet e zhvilluara të mërkurën për Kategorinë Superiore kanë patur mjaft surpriza.
Partizani ka humbur në “Selman Stermasi” me Teutën. “Demat e Kuq” shpërdoruan shumë raste, por durrsakët ja dolën të shënojnë golin në minutën e 67 të ndeshjes.
Kukësi ndryshon tranjer, por jo mentalitet. Me tranjerin e ri Orges Shehi, Kukësi nuk ka shkuar më shumë se një barazim pa gola me Vllazinën.
Ndërkohë në Vlorë Tirana ka bërë detyrën, duke fituar 2 me 0 me Flamurtarin, çka i lejon që të shkëputet edhe më shumë nga Kukësi, plot 6 pikë.
Më herët Laçi ka fituar ndaj Bylisit, ndërsa Skënderbeu nuk e pati të vështirë ndaj Luftëtarit, me nga 1 gol në çdo pjesë të shënuar.
REZULTATET:
Laçi -Bylis 2-1
Flamurtari-Tirana 0-2
Partizani-Teuta 0-1
Kukësi-Vllazënia 0-0
Skënderbeu-Luftëtari 2-0
