Të pranishëm nesër në Vatikan në shenjtërimin e Nënë Terezës do të jenë edhe krerët më të lartë të shtetit shqiptar.
Presidenti Bujar Nishani, Zonja e Parë, Kryeministri Edi Rama dhe kreu i PD, Basha janë nisur sot paradite për në Vatikan, ndërsa kreu i Kuvendit do të niset po sot pasdite drejt selisë së shenjtë.
Nesër në Vatikan do të jenë edhe drejtuesit e besimeve fetare në Shqipëri.
Ceremonia për shenjtërimin e Nënë Terezës do të zhvillohet gjatë paradites të së Dielës, ndërsa të pranishëm në sheshin ‘Shën Pjetri’ pritet që të jenë një numër i madh besimtarësh nga Shqipëria, por edhe e gjithë bota.
