“Organet e drejtësisë po ballafaqohen me mungesa të theksuara në burime njerëzore për shkak të largimeve të magjistratëvve nga procesi i rivlerësimit kalimtar”
Kështu deklaroi Prokurori i Përgjithshëm Olsian Çela në konferencën “Sfidat e Prokurorisë së Përgjithshme në Dritën e Reformës në Drejtësi”.
Ndër të tjera ai tha se objektiv primar mbetet forcimi i pavarësisë së prokurorëve. Ai theksoi se nga Vettingu janë larguar shumë gjyqtarë dhe prokurororë dhe për shkak të kësaj ka ngarkesa në punë.
“Organet e drejtësisë kanë mungesë të theksuar të magjistratëve. Reforma në Drejtësi është ende në proces. Ajo ka sjellë ndryshime rrënjësore. Edhe pse procesi i vetingut nuk ka arritur ende në mesin e rrugëtimit të tij nga pikëpamja sasiore, organet e drejtësisë po ballafaqohen me mungesa të theksuara në burime njerëzore për shkak të largimeve të magjistratëvve nga procesi i rivlerësimit kalimtar, ndërkohë që një pjesë e madhe e magjistratëve janë ende në proces apo nuk e kanë nisur procesin. Shtimi i ngarkesës së punës në çdo prokurori ka krijuar një situatë emergjence, pasi ndërsa jemi në vitin e katërt të reformës, ende nuk ka një perspektivë të qartë se kur sistemi do të funksionojë me kapacitete të plota. Objektiv primar mbetet forcimi i pavarësisë sëprokurorëve.”, u shpreh Olsian Çela.
