Tre persona janë vënë në pranga dhe dy të tjerë janë shpallur në kërkim, për vdekjen e një punëtori dhe plagosjen e një tjetri në një gurore në Nikël të Krujës.
Në pranga është vënë përfaqësuesi ligjor i kësaj guroreje, prokurori Neritan Jaupaj, si dhe dy shtetasit B.C., 32 vjeç, banues në Kurcaj, Krujë dhe G.D., 48 vjeç, banues në Tiranë.
Ndërsa në kërkim është shpallur Klemend Murataj, 34 vjeç, banues në Tiranë, me detyrë administrator, si dhe shtetasi A. K., 66 vjeç, banues në Tiranë, me detyrë drejtues teknik.
Viktima mbeti shtetasi Asllan Jaupaj, 55-vjeç, i cili gjatë montimit të minave elektrike, i shpërtheu njëra prej tyre dhe për pasojë humbi jetën. Ndësa i plagosur mbeti shtetasi Gani Demnushaj, 55-vjeç, i cili ndodhet në spitalin e Traumës me dëmtime të rënda.
I plagosuri Gani Demnushi kishte vetëm dy ditë që ishte punësuar në këtë gurore.
Materialet i kaluan Prokurorisë së Rrethit Gjyqësor Krujë, për veprat penale “Shkelja e rregullave të mbrojtjes në punë” dhe “Mbajtja pa leje e lëndëve plasëse”
Njoftimi:
Krujë
Arrestohet në flagrancë përfaqësuesi ligjor i gurores në Krujë.
Arrestohen dhe dy shtetas të tjerë, punonjës të firmës.
Si dhe shpallen në kërkim 2 shtetas, me detyrë administrator dhe drejtues teknik.
Në vijim të ngjarjes së ndodhur më datë 01.03.2020, ku në fshatin Kurcaj të Krujës, duke punuar në një gurore të licencuar, gjatë montimit të minave elektrike humbi jetën shtetasi A. J., 55 vjeç dhe mbeti i plagosur shtetasi G. D., 55 vjeç, specialistët për Hetimin e Krimeve në Komisariatin e Policisë Krujë arrestuan në flagrancë shtetasit:
N. J., 42 vjeç, banues në Tiranë, me detyrë përfaqësues ligjor i firmës.
B. C., 32 vjeç, banues në Kurcaj, Krujë.
G. D., 48 vjeç, banues në Tiranë.
Si dhe janë shpallur në kërkim policor shtetasit:
K. M., 34 vjeç, banues në Tiranë, me detyrë administrator, si dhe shtetasi A. K., 66 vjeç, banues në Tiranë, me detyrë drejtues teknik.
Materialet i kaluan Prokurorisë së Rrethit Gjyqësor Krujë, për veprat penale “Shkelja e rregullave të mbrojtjes në punë” dhe “Mbajtja pa leje e lëndëve plasëse”.
