Kryeredaktori i web-faqes së Radio Televizionit të Kosovës, Altin Ahmeti është rrahur brutalisht nga pesë persona mbrëmjen e djeshme në një lokal të Prishtinës.
Edhe pse ende nuk dihen rrethanat e as shkaqet se pse ka ndodhur një sulm i tillë, dihet se pesë personat kanë hyrë në lokal dhe e kanë rrahur kryeredaktorin e web-faqes së RTK’së.
Ndërkaq, personi që dyshon Ahmeti për sulmin brutal ndaj tij, është zyrtari i Telekomit të Kosovës, Gëzim Makolli.
“5 vetë më sulmuan dhe dolën duke më kërcënuar se do të më vrasin. Personi në fjalë është Gëzim Makolli. E ftova policinë dhe prokurorinë, nuk i di arsyet e sulmit”, ka thënë Ahmeti.
Policia dhe prokuroria janë në dijeni të ngjarjes dhe janë duke e hetuar rastin.
