Drejtoria e Përgjithshme e Tatimeve njoftoi zyrtarisht mbi kontrollet e ushtruara pranë farmacive dhe depove farmaceutike në gjithë territorin e vendit.
Kontrollet janë ushtruar pas shqetësimeve të fundit të ngritura lidhur me rritjen e çmimeve të disa produkteve farmaceutike, kryesisht maskave dhe dizifektatëve, që janë blerë në masë nga qytetarët pas shfaqjes së koronavirusit në disa nga shtetet fqinje, kryesisht Itali.
“Gjatë kontrollit të datës 28 dhe 29 shkurt, strukturat e hetimit tatimor, gjatë monitorimit në terren kanë kryer në total 98 verifikime ku janë konstatuar 25 shkelje.
8 Mallra pa faturë tatimore;
4 raste për moslëshim kuponi tatimor;
2 raste për mosafishim liste çmimi për biznes të vogël;
1 rast për mosafishim liste çmimi për biznes të madh;
2 raste për referim hetimi.
Drejtoria e Përgjithshme e Tatimeve në ditët në vazhdim do të vijoj me kontrollet dhe do të jetë gjithmonë në krah të biznesit të ndershëm, duke treguar zero tolerancë ndaj shkelësve të ligjit”, thuhet në njoftimin e Drejtorisë së Përgjithshme të Tatimeve.
